बेलायतमा पछिल्लो २४ घण्टामा कोरोना भाइरस (कोभिड १९) बाट १० जनाको मृत्यु भएको छ । यससँगै बेलायतमा कोरोना संक्रमणका कारण मृत्यु हुनेको संख्या हाल २१ पुगेको छ । बेलायतमा मृतकका संख्यामा एकैदिन दोब्बरले वृद्धि भएको हो ।
बेलायतको प्रमुख स्वास्थ्य सल्लाहकारले मृतक सबैजना उच्च जोखिममा रहेको जानकारी दिए ।बेलायतमा ३७ हजार ७ सय ४६ व्यक्तिको स्वास्थ्य परीक्षण गरिएकोमध्ये १ हजार १ सय ४० मा संक्रमणको पुष्टि भएको छ ।
बेलायतको राष्ट्रिय स्वास्थ्य सेवाले बिरामीको उपचारका लागि शैय्या र भेन्टिलेटर थप्ने जानकारी दिएको छ ।
