एजेन्सी । आईपीएल फ्रेन्चाइज लखनऊ सुपर जायन्ट्सको स्वामित्वमा रहेको आरपीएसजी समूहले सोमबार इंग्लिस लिग द हन्ड्रेड टोली म्यानचेस्टर ओरिजिनल्स सञ्चालन गर्न लन्काशायरसँग साझेदारी गर्ने अधिकार प्राप्त गरेको छ ।
क्रिकइन्फोका अनुसार सञ्जीव गोयन्काको आरपीएससी समूहले अङ्ग्रेजी फ्रन्चाइजीमा ४९ प्रतिशत सेयर खरिद गर्न करिब १२५२ करोड रुपैयाँको उच्च बोली लगायो ।
समूहले शुक्रबार ‘लन्डन स्पिरिट’को लागि असफल बोली लगाएको थियो । यो लिलामी सिलिकन भ्यालीको टेक कन्सोर्टियमले जित्यो ।
‘म एउटा राम्रो साथीको खोजीमा थिएँ । आरपीएसजी समूह केहि समयको लागी हाम्रो मनपर्ने बोलीकर्ता भएको छ । हामी यो नतिजाबाट धेरै खुसी छौं। हामी सँगै राम्रो भविष्य सिर्जना गर्न उत्साहित छौं । हाम्रो संयुक्त लक्ष्य म्यानचेस्टर र उत्तर पश्चिम क्षेत्रका मानिसहरूका लागि विशेष क्रिकेट टोली सिर्जना गर्ने हो ।’ लङ्कशायरले एक विज्ञप्ति जारी गर्दै भन्यो ।
दुबै पक्षहरू (लङ्कशायर र आरपीएसजी समूह) अब ८ हप्तासम्म सम्झौताका सर्तहरू छलफल गर्नेछन् । ल्याङ्कशायरले यसअघि आफ्नो ५१ प्रतिशत सेयर बेच्नेबारे छलफल गर्न खुला रहेको सुझाव दिएको थियो ।
आरपीएसजी समूहका अध्यक्ष र संस्थापक गोयन्काले २०२२ मा २०२२ मा डरबन फ्रेन्चाइजी किन्नु अघि २०२१ को आईपीएलमा लखनउको फ्रेन्चाइजी ७,०९० करोडमा किनेका थिए ।
यसअघि उनी राइजिङ पुणे सुपरजायन्टका मालिक पनि थिए । यो समूहले २०१६ र २०१७ (दुई) सिजनहरूमा भाग लिएको थियो, जब चेन्नई सुपर किंग्स र राजस्थान रोयल्स निलम्बित थिए ।
