काठमाडौँ । नेकपा (माओवादी केन्द्र) को पदाधिकारी बैठक खुमलटारमा बसिरहेको छ ।
बैठकमा पूर्वउपराष्ट्रपति नन्दबहादुर पुन पनि सहभागी छन् । बैठकमा उनी पार्टी पदाधिकारीकै हैसियतमा सहभागी भएका हुन् ।
पुन गत पुस २१ गतेको केन्द्रीय समिति बैठकमा पनि सहभागी भएका थिए । त्यहाँ उनी उपाध्यक्षको रोलक्रममा बसेका थिए ।
सक्रिय राजनीतिमा फर्किने चर्चाकाबीच केन्द्रीय समिति बैठकमा सहभागी भएका पुन त्यसअघिको एक पदाधिकारी, एक स्थायी कमिटी बैठकमा पनि सहभागी भइसकेका थिए ।
पुनलाई सक्रिय राजनीतिमा फर्काउन अध्यक्ष पुष्पकमल दाहाल ‘प्रचण्ड’ नै लागिपरेको बुझिन्छ । उपराष्ट्रपति भइसकेको व्यक्ति पुनः सक्रिय राजनीतिमा फर्किन नहुने भन्ने आलोचनामा अध्यक्ष दाहालले पुन आफ्नै चाहनाले राजनीतिमा फर्किन लागेको प्रतिक्रिया दिएका थिए ।
पुनलाई पार्टी उपाध्यक्ष बनाउने अध्यक्ष दाहालको चाहना रहेको बताइन्छ ।
