काठमाडौं । बुधबार नेप्से परिसूचक ८.६६ अंक बढेर २ हजार ५४३.०३ विन्दुमा बन्द भएको छ । यसदिन नेप्से परिसूचकसँगै सेन्सेटिभ इन्डेक्स पनि २.५६ अंक बढेर ४६५.१३ विन्दुमा पुगेको हो । २ हजार ५४४.८१ विन्दुदेखि खुला भएको बजार २ हजार ५१२.०२ विन्दुसम्म झरेको थियो भने २ हजार ५४७.६० विन्दुसम्म पुगेको थियो ।
यो दिन १९१ वटा कम्पनीको रू. ७ अर्ब ६४ करोड ९४ लाख ११ हजार बराबरको १ करोड ४९ लाख ६ हजार ७७ कित्ता शेयर कारोबार भएको छ । उक्त कारोबार ६२ हजार १५ पटकको व्यापारमा भएको हो ।
यसदिन वित्त समूहको परिसूचक सर्वाधिक ३.२७ प्रतिशत बढेको छ । वित्तसँगै होटल्सको २.१४ प्रतिशत, बैंकिङको १.५ प्रतिशत, विकास बैंकको ०.०४ प्रतिशत र निर्जीवन बीमा समूहको ०.४७ प्रतिशत परिसूचक बढेको छ । बुधबारको बजारमा व्यापारिक समूहको परिसूचक सर्वाधिक ३.२१ प्रतिशत घटेको छ । त्यस्तै, उत्पादन तथा प्रशोधनको १.१५ प्रतिशत, लघुवित्तको १ प्रतिशत, जलविद्युतको ०.९८ प्रतिशत, जीवन बीमाको ०.६२ प्रतिशत, म्यचुअल फण्डको ०.२३ प्रतिशत र अन्यको ०.३ प्रतिशत परिसूचक घटेको छ ।
त्यसैगरी, वित्त समूहको परिसूचक सर्वाधिक बढेको दिन गोर्खाज फाइनान्सको १० प्रतिशत, गुहेश्वरी मर्चेण्ट बैंक एण्ड फाइनान्सको ९.७७ प्रतिशत र आइसीएफसी फाइनान्सको शेयरमूल्य ९.७६ प्रतिशत बढेको छ । यो दिन गोर्खाज फाइनान्सको प्रतिकित्ता रू. ४० ले बढेर अन्तिम मूल्य रू. ४४०, गुहेश्वरी मर्चेण्ट बैंक एण्ड फाइनान्सको प्रतिकित्ता रू. २१ ले बढेर अन्तिम मूल्य रू. २३६ र आईसीएफसीको प्रतिकित्ता रू. २९ ले बढेर अन्तिम मूल्य रू. ३२६ कायम भएको हो ।
यसदिन स्वदेशी लघुवित्त वित्तीय संस्था लिमिटेडको शेयरमूल्य सर्वाधिक ६.३८ प्रतिशत घटेको छ । प्रतिकित्ता रू. १०२ ले मूल्य घटेर कम्पनीको अन्तिम मूल्य रू. १ हजार ४९८ कायम भएको हो । यो दिन सर्वाधिक रकमको शेयर कारोबार ग्लोबल आइएमई बैंकको भएको छ । उक्त कम्पनीको रू. ५२ करोड २ लाख ५५ हजार बराबरको शेयर कारोबार भएको हो । सर्वाधिक रकमको कारोबार गरेको उक्त कम्पनीको शेयरमूल्य पनि ५.९१ प्रतिशत अर्थात प्रतिकित्ता रू. २५ ले बढेर अन्तिम मूल्य रू. ४४८ पुगेको छ । कम्पनीको यस दिन न्यूनतम रू. ४१५ देखि अधिकतम रू. ४५६ सम्मको मूल्यमा शेयर खरीदविक्री भएको हो ।
