काठमाडौं । ईंग्लिस प्रीमियर लिग फुटबलमा म्यान्चेस्टर सिटी र लिभरपुलले बराबरी खेलेका छन् ।
गएराति भएको खेलमा दुबै टिमले १-१ गोलको बराबरी खेल्दै अंक बाँडेका हुन् ।
लिभरपुलको घरेलु मैदान एनफिल्डमा भएको खेलमा सुरुवाती अग्रता भने सिटीले बनाएको थियो । खेलको २३ औं मिनेटमा जोन स्टोन्सले गोल गर्दै सिटीलाई सुरुवाती अग्रता दिलाएका हुन् ।
यता, खेलको ५० औं मिनेटमा म्याक एलिस्टरले पेनाल्टीमा गोल गर्दै लिभरपुललाई १-१ गोलको बराबरीमा ल्याए ।
त्यसपछि दुबै टोलिबाट गोल गर्ने प्रयास भएपनि सफल हुन सकेनन् ।
बराबरीको नतिजापछि लिभरपुल २८ खेलबाट ६४ अंकका साथ तालिकाको दोस्रो स्थानमा छ भने सिटी समान खेलबाट ६३ अंकका साथ तेस्रो स्थानमा छ । यस्तै आर्सनल ६४ अंकका साथ शीर्षस्थानमा छ ।
