काठमाडौँ । काठमाडौँ महानगरपालिकाका मेयर बालेन शाह धरान पुगेका छन् । शुक्रबारदेखि सुरु भएको ‘धरान डे’ उत्सवको उद्घाटन गर्न उनी धरान पुगेका हुन् ।
मेयर शाहलाई धरान उपमहानगरपालिकाका मेयर हर्क साम्पाङले सो अवसरका लागि अतिथिका रुपमा निमन्त्रणा गरेका थिए ।
काठमाडौँका मेयर शाह र धरानका मेयर सम्पाङबीच विभिन्न समयमा भेटघाट चलिरहेको छ ।
सुरुमा एक–अर्काविरुद्ध खनिएका दुबै अहिले भने सहयोग आदान प्रदान गर्दै आएका छन् ।
