एजेन्सी । पोर्चुगिज कप्तान क्रिस्टियानो रोनाल्डोले फालेको आर्मव्याण्ड आर्थिक संकलनका लागि अक्सनमा राखिने भएको छ ।
कतार विश्वकप २०२२ को युरोपियन छनैट अन्तर्गत सर्वियाविरुद्धको खेलमा रोनाल्डोले आफ्नो गोललाई मान्यता नदिएपछि आक्रोशमा आफुले लगाएको कप्तानको आर्मव्याण्ड फाल्दै मैदानबाट बाहिरिन पुगेका थिए ।
उक्त आर्मव्याण्ड दुर्लभ रोग लागेका एक ६ महिने बालक ग्राभिलो जुर्डेभिचको उपचारको लागि आर्थिक संकलनमा मद्दत पुग्ने भन्दै अक्सनमा राखिने भएको हो ।
एक च्यानलले म्याचको रिप्ले हेर्दै रोनाल्डोकै आर्मव्याण्ड रहेको पुष्टि गरेपछि एक च्यारिटी संस्थासँगै उक्त आर्मब्याण्डलाई अक्सनमा राखिएको छ ।
रोनाल्डोले प्रहार गरेको बल गोललाइन क्रस गरेको देखिएपनि म्याचरेफ्रीले रोनाल्डोको गोललाई मान्यता दिएका थिएनन्। भिएआर को प्रयोग नभएका कारण पोर्चुगलले गोलको मान्यता नपाउदा पोर्चुगल जितबाट बञ्चित समेत हुन पुगेको थियो ।
उक्त गोलको लागि रेफ्रीसँग उनले आग्रह गर्दा विवादमा आएर उनलाई पहेलो कार्ड देखाइएको थियो ।
