एजेन्सी । एसिया कप–२०२३ को अन्तिम सुपर–४ खेल भारत र बंगलादेशबीच कोलम्बोको आर प्रेमदासा स्टेडियममा जारी छ । भारतले टस जितेर फिल्डिङ रोजेको छ ।
पहिले ब्याटिङ गरेको बंगलादेशले ३.१ ओभरमा दुई विकेट गुमाएर १५ रन बनाएको छ । अनमुल हक र शकिब अल हसन क्रिजमा छन् ।
तान्जिद हसन तमिम १३ रन बनाएर आउट भए । उनलाई शार्दुल ठाकुरले बोल्ड गरे । यसअघि मोहम्मद शामीले विकेटकिपर लिटन दास (० रन) लाई बोल्ड गरेका थिए ।
भारतका तिलक वर्माले यसै खेलबाट डेब्यु गरेका छन् । उनलाई कप्तान रोहित शर्माले क्याप दिए । वर्माले गत महिना वेस्ट इन्डिजविरुद्ध टी–२० डेब्यु गरेका थिए ।
