काठमाडौँ । नेकपा एमालेका अध्यक्ष केपी शर्मा ओलीले पत्रकारहरूको प्रश्नको प्रतिवाद गरेका छन् ।
आइतबार एमाले मुख्यालय च्यासलमा आयोजित पत्रकार सम्मेलनमा पत्रकारहरूले गरेको प्रश्नको जवाफ दिनुअघि ओलीले प्रतिवाद गरेका हुन् ।
अध्यक्ष ओलीले पत्रकारहरूको प्रश्न ‘चिसै पानीले नुहाउने’ खालको भएको बताए । ओलीले भने ‘विरोधभाव नदेखाइकन प्रश्न गर्दा पनि हुन्छ जस्तो लाग्छ मलाई ।’
यसैबीच अध्यक्ष ओलीले एमालेलाई सरकारको भन्दा पनि देशको चिन्ता रहेको बताए । ओलीले भने – ‘सुन तस्करीको हल्ला चलाएर एमाले सरकारमा जान खोजेको त होइन भन्ने हल्ला छ । तर, एमालेलाई सरकारमा रुची होइन । चिन्ता सरकारको होइन देशको हो ।’
एमालेमा सत्तामोह नरहेको बताउँदै अध्यक्ष ओलीले यसको अर्थ सरकारलाई जे पनि गर्न छुट नभएको जिकिर गरे ।
