एजेन्सी । युरो छनोट अन्तर्गत पोर्चुगलले साँघुरो जित निकालेको छ । गएराति भएको खेलमा पोर्चुगलले आइसल्याण्डलाई १–० गोलले पराजित गरेको हो ।
पोर्चुगललाई जित दिलाउन एकमात्र निर्णायक गोल कप्तान क्रिस्टियानो रोनाल्डोले गरे । उनले खेलको ८९ औं मिनेटमा गोल गरेका हुन् ।
भिएआरले रोनाल्डोको गोललाई मान्यता दिएको हो । ८० औं मिनेटमा विलम विलम्सनले रातो कार्ड खाँदै मैदानबाट बाहिरिएपछि आइसल्याण्ड १० खेलाडीमा समेटिएको थियो ।
यस खेलबाट रोनाल्डोले विश्व कीर्तिमान राखेका छन् । उनी २०० अन्तर्राष्ट्रिय खेल खेल्ने पहिलो खेलाडी बनेका हुन् । समूह ‘जे’ मा रहेको पोर्चुगलको यो लगातार चौंथो जित हो । १२ अंकका साथ पोर्चुगल तालिकाको शीर्षस्थानमा रहेको छ । आइसल्याण्ड भने ३ अंकका साथ पाँचौं स्थानमा छ ।
