एजेन्सी । स्पेनिस फुटबल लिग ला लिगा अन्तर्गत रियल मड्रिडले सानदार जित निकालेको छ ।
गएराति सम्पन्न खेलमा रियलले भालाडोलिडलाई ६–० गोलले पराजित गरेको हो । घरेलु मैदानमा रियलको फराकिलो जितमा करिम बेन्जेमाले ह्याट्रिक गरे भने रोड्रिगो, मार्को एसेन्सिओ र लुकास भाज्क्वेजले एक–एक गोल गरे ।
खेलको २९, ३२ र ३६ औं मिनेटको छोटो समयमा नै बेन्जेमाले ह्याट्रिक पूरा गरे । खेलको २२ औं मिनेटमा रोड्रिगोको गोलबाट रियलले सुरुवाती अग्रता बनाएको थियो । यस्तै, एसेन्सिओले ७३ औं र भाज्क्वेजले खेल सकिनै लाग्दा इन्जुरी समयमा गोल गरे ।
जितसँगै २७ खेलबाट ५९ अंकसहित रियल तालिकाको दोस्रो स्थानमा यथावत छ । समान खेलबाट २८ अंकसहित भालाडोलिड १६ औं स्थानमा छ ।
