काठमाडौं । यू–२० साफ महिला च्याम्पियनसिप फुटबलको उपाधिका लागि नेपालले आज बिहीबार आयोजक बंगलादेशसँग प्रतिस्पर्धा गर्दैछ ।
ढाकास्थित विर श्रेष्ठ शहिद सिपाही मुस्तोफा कमल स्टेडियममा हुन लागेको नेपाल र बंगलादेशबीचको फाइनल खेल साँझ ५:४५ बजेबाट सुरु हुनेछ ।
राउण्ड रोबिनको आधारमा भएको प्रतियोगितामा बंगलादेश ३ खेलमा ७ अंकसहित शीर्ष स्थानमा रहँदै फाइनलमा पुगेको हो भने नेपाल लिगको दोस्रो स्थानमा रहदै फाइनलको यात्रा तय गरेको हो । नेपालले ३ खेलमा ६ अंक जोड्यो । नेपालले मंगलबार भारतलाई ३–१ गोल अन्तरले हराउँदै फाइनलमा स्थान बनाएको थियो ।
लिग चरणमा भएको नेपाल र बंगलादेशबीच प्रतिस्पर्धामा नेपाललाई बंगलादेशले ३-१ ले हराएको थियो ।
फाइनलमा नेपाल पहिलो भेटमा व्यहोरेको हारको बदला लिन चाहन्छ । यस्तै, बंगलादेश पनि जितलाई निरन्तरता दिन चाहन्छ ।
