काठमाडौँ । सुर्खेतको निर्वाचन क्षेत्र नम्बर–१ प्रदेश सभा (क)तर्फ बागी उम्मेदवारी दिएका एमाले नेता खड्क खत्रीले नाम फिर्ता लिएका छन् ।
पार्टीले टिकटका लागि सिफारिस गरेपनि अर्कैलाई टिकट दिएको आरोप लगाउँदै बागी उम्मेदवार दिएका खत्रीले अन्तमा बुधबार सुर्खेतको गुर्भाकोट नगरपालिका स्थित निर्वाचन अधिकृतको कार्यालयमा पुगेर उम्मेदवारी फिर्ता लिएका हुन् ।
नेपाल कम्युनिष्ट पार्टी (एमाले)ले उक्त क्षेत्रमा डण्डी प्रसाद शर्मालाई उम्मेदवार बनाएको छ । नेता खत्री यसअघि कर्णालीको भौतिक पूर्वाधार तथा सहरी विकास मन्त्री बनिसकेका छन् ।