काठमाडौँ। पत्रकारिता पेशासँगै सामाजिक सेवामा समेत सक्रिय रहँदै आएका लाइभ न्यूज रफ्तारका पत्रकार सोनुकुमार दासले रसुवाका बाढीपीडित परिवारका लागि राहत सामग्री पठाएका छन्।
दास, उनका दाइ सन्तोष दास तथा मांगिलाल दासको पहलमा करिब १ लाख ४१ हजार रुपैयाँ बराबरको मस्क्युटो नेट ९झुल० राहतस्वरूप रसुवा पठाइएको हो। बाढी तथा विपद्का कारण प्रभावित परिवारलाई सहयोग पुर्याउने उद्देश्यले उक्त राहत सामग्री पठाइएको बताइएको छ।
पत्रकारिता क्षेत्रबाट निरन्तर जनताको आवाज उठाउँदै आएका सोनुकुमार दास पछिल्लो समय सामाजिक सेवाका गतिविधिमा समेत सक्रिय देखिएका छन्। विपद्को समयमा पीडित परिवारलाई प्रत्यक्ष सहयोग गर्ने उद्देश्यले राहत सामग्री संकलन गरी रसुवा पठाइएको हो।
जिल्ला प्रशासन कार्यालय, मोरङको सहकार्यमा विराटनगर विमानस्थलबाट हवाईमार्ग हुँदै राहत सामग्री रसुवा पठाइएको हो। राहत सामग्री पठाउने कार्यमा पत्रकार जुगेश बाबुले समेत सहयोग गरेका थिए।
विराटनगर विमानस्थलबाट बुद्ध एयरको विमानमार्फत राहत सामग्री पठाइएको पत्रकार जुगेश बाबुले जानकारी दिए। उनका अनुसार विपद्का बेला पीडितका लागि पठाइने राहत सामग्रीलाई बुद्ध एयरले निःशुल्क ढुवानी गर्ने व्यवस्था गरेको छ।
विपद्को समयमा मानवीय सहयोगलाई प्राथमिकता दिँदै राहत सामग्री निःशुल्क ढुवानी गरिदिएको भन्दै बुद्ध एयरप्रति समेत धन्यवाद व्यक्त गरिएको छ।
पत्रकारितालाई केवल समाचार सम्प्रेषणमा सीमित नराखी आवश्यकता परेको समयमा समाज र पीडित नागरिकको साथमा उभिनुपर्ने सन्देश सोनुकुमार दासको यो पहलले दिएको छ। यस विषयमा जिल्ला प्रशासन कार्यालय, मोरङका सहायक प्रमुख जिल्ला अधिकारीले पत्रकारिता पेशासँगै मानवताको हात अगाडि बढाएकोमा सोनुकुमार दास, उनका दाइ सन्तोष दास तथा मांगिलाल दासप्रति धन्यवाद व्यक्त गर्नुभयो।
उहाँले विपद्को समयमा पीडित परिवारका लागि सहयोग गर्नु सामाजिक उत्तरदायित्वको महत्वपूर्ण उदाहरण भएको बताउँदै, पत्रकारितामार्फत समाजको आवाज उठाउनुका साथै आवश्यक परेको समयमा पीडितको साथमा उभिनु प्रशंसनीय कार्य भएको उल्लेख गर्नुभयो।
रसुवाका बाढीपीडित परिवारका लागि पठाइएको राहत सामग्रीले विपद्को समयमा मानवीय सहयोगको भावना अझ बलियो बनाउने विश्वाससमेत उहाँले व्यक्त गर्नुभयो।
