एजेन्सी । स्पेनिस फुटबल क्लब रियल मड्रिडका फरवार्ड करिम बेन्जेमाले यूईएफए प्लेयर अफ दि इयरको अवार्ड जितेका छन् ।
यूईएफए च्याम्पियन्स लिग फुटबलमा गत सिजन उत्कृष्ट खेलाडी घोषित बेन्जेमाले उक्त अवार्ड जितेका हुन् ।
युरोपियन फुटबलको सर्वोच्च निकाय यूईएफएले बिहीबार बेन्जेमालाई अवार्ड प्रदान गरेको थियो ।
उनले म्यानचेस्टर सिटीका केभिन डे ब्रुएना र रियलकै थिवाउट कोर्टुवालाई पछि पार्दै अवार्ड जितेका हुन् ।
यसतै, महिलातर्फको प्लेयर अफ दि इयर अवार्ड बार्सिलोनाकी एलेक्सिया पुटेलासले जितिन् ।
पुरुषको कोच अफ दि इयरको अवार्ड रियल मड्रिडका मुख्य प्रशिक्षक कार्लो एन्सेलोटीले जिते ।
गत सिजन रियललाई च्याम्पियन्स लिग र ला लिगाको उपाधि दिलाएका एन्सेलोटीले म्यानचेस्टर सिटीका पेप ग्वार्डीओला र लिभरपुलका योर्गेन क्लोपलाई पछि पारे ।
