काठमाडौ. । तेह्रथुमको मन्छ्यायेम गाउँपालिकाको अध्यक्ष पदमा नेकपा ९एमाले० का उम्मेदवार यादवबहादुर खापुङ झिनो मतान्तरले विजयी बनेका छन् ।
अध्यक्षमा निर्वाचित खापुङले दुई हजार ५५ मत ल्याए भने पराजित नेपाली कांग्रेसका उम्मेदवार धनकुमार लिम्बुले खापुङभन्दा ३४ मत कम अर्थात दुई हजार २१ मत प्राप्त गरे ।
निर्वाचन कार्यालयका अनुसार उपाध्यक्षमा नेपाली कांग्रेसकी गीतादेवी तिम्सिना निर्वाचित भएकी छिन् । उनले एक हजार ९८६ मत ल्याउँदा एमाले उम्मेदवार प्रेमलता घिमिरेले १२ मत कम अर्थात एक हजार ९७४ मत प्राप्त गरिन् ।
अध्यक्ष र उपाध्यक्षमा निर्वाचित दुवै जना यसअघिको स्थानीय तह निर्वाचनमा पनि अध्यक्ष र उपाध्यक्ष रहेको बताइएको छ । अहिले दुवैले फरक दलबाट उम्मेदवारी दिएर निर्वाचित भएका हुन् ।
