एजेन्सी । आईपीएल २०२२ को ४२ औँ खेलमा आज (७ः४५ बजे) पञ्जाब किंग्सको टोलीले लखनउ सुपरजायन्ट्सको सामना गर्दैछ । लखनउको टोली अहिले अंक तालिकाको चौथो स्थानमा छ । लखनउले आठमध्ये पाँच जितेको छ भने तीन खेल हारेको छ । पञ्जाब टोलीले आठ खेलमा चार जित र चार हार बेहोरेको छ ।
सुपरजायन्ट्सले आफ्नो अघिल्लो खेलमा मुम्बई इन्डियन्सलाई ३६ रनले पराजित गरेको थियो भने पञ्जाब किंग्सको टोलीले चेन्नई सुपर किंग्सलाई ११ रनले पराजित गरेको थियो । पञ्जाबलाई लखनउको अगाडि जितको सिलसिला कायम राख्न ठूलो चुनौती हुनेछ ।
लखनउ सुपरजायन्ट्स
लखनउका कप्तान के एल राहुल शीर्ष क्रममा उत्कृष्ट लयमा छन् । उनले चालू सिजनमा मुम्बई इन्डियन्सविरुद्ध दुई शतक र एक अर्धशतक पनि बनाएका छन् । राजस्थान रोयल्सका जोस बटलरले मात्र चालू सिजनमा उनीभन्दा बढी रन बनाएका छन् । दक्षिण अफ्रिकाका फास्ट बलर कागिसो रबाडाको नेतृत्वमा रहेको पञ्जाबको बलिङ आक्रमण निकै सन्तुलित छ भने पञ्जाबले राहुललाई ठूलो इनिङ्स खेल्नबाट रोक्ने प्रयास गर्नेछ ।
रबाडा बाहेक पञ्जाब टोलीमा अर्शदीप सिंह, सन्दीप शर्मा, ऋषि धवन र राहुल चाहर जस्ता बलर छन् जसले डेथ ओभरमा प्रभावकारी प्रदर्शन गरेका छन् । पञ्जाबको सबैभन्दा ठूलो चुनौती एमसीए स्टेडियममा राहुलको ब्याटलाई रोक्नु हुनेछ, जुन ठूलो स्कोरिङ खेलका लागि परिचित छ । लेग स्पिनर चाहर १० विकेटका साथ पञ्जाबका सबैभन्दा सफल बलर हुन् तर उनले पनि आफ्नो प्रदर्शनमा सुधार गर्न आवश्यक छ ।
लखनउलाई क्विन्टन डी ककको पनि भरोसा रहेको छ । डि ककले मुम्बईविरुद्ध १० रन मात्र बनाउन सके । डि ककले अहिलेसम्म २२५ रन बनाए पनि आफ्नो क्षमतालाई न्याय गर्न सकेका छैनन् ।
अनुभवी मनिष पाण्डे, आक्रामक ब्याट्सम्यान मार्कस स्टोइनिस र क्रुणाल पाण्ड्या, आशालाग्दा दीपक हुडा र युवा आयुष बडोनी बाहेक वेस्ट इन्डिजका अलराउन्डर जेसन होल्डरको उपस्थितिमा लखनउको ब्याटिङ बलियो छ । टोलीका बलरले पनि राम्रो प्रदर्शन गरेका छन् । श्रीलंकाका तिब्र गतिका बलर दुष्मन्थ र होल्डर प्रभावित छन् । उनीहरूले मिलेर अहिलेसम्म १४ विकेट लिएका छन् र पञ्जाबविरुद्ध पनि यो प्रदर्शन जारी राख्नुपर्नेछ ।
पञ्जाब किंग्स
ब्याटिङ डिपार्टमेन्टमा ओपनर शिखर धवनमा पञ्जाबको टोली भर पर्नेछ । धवनले अघिल्लो खेलमा अविजित ८८ रन खेलेर फर्ममा फर्केका थिए । तर, कप्तान मयंक अग्रवालको फर्म टोलीका लागि चिन्ताको विषय बनेको छ । हालको सिजनमा उनको प्रदर्शनमा उतारचढाव रहेको छ र उनले अहिलेसम्म सात खेलमा एक अर्धशतक मात्र बनाएका छन् । उनको प्रदर्शनमा निरन्तरता हुनुपर्छ र धवनसँगै टोलीले राम्रो सुरुवात गर्नुपर्छ ।
तेस्रो नम्बरमा ब्याटिङ गर्दै आएका भानुका राजपाक्षेले प्रभाव पारेका छन् । उनले सुपर किंग्स विरुद्धको अन्तिम खेलमा ३२ बलमा ४२ रन बनाएका थिए । श्रीलंकाका ब्याट्सम्यान आफ्नो राम्रो रन जारी राख्न चाहन्छन् । यदि पञ्जाबले ठूलो स्कोर गर्न वा ठूलो लक्ष्य पछ्याउने हो भने, शीर्ष क्रमले लियाम लिभिङस्टोन र जोनी बेयरस्टो जस्ता ब्याट्सम्यानका लागि बलियो प्लेटफर्म सिर्जना गर्नुपर्नेछ ।
सम्भावित टिम
पञ्जाब किंग्सः मयंक अग्रवाल (कप्तान), शिखर धवन, जोनी बेयरस्टो, लियाम लिभिङस्टोन, जितेश शर्मा (विकेटकिपर) भानुका राजपाक्षे, ऋषि धवन, कागिसो रबाडा, राहुल चाहर, सन्दीप शर्मा, अर्शदीप सिंह ।
लखनऊ सुपर जायन्ट्सः केएल राहुल (कप्तान), क्विन्टन डी कक (विकेटकीपर), मनिष पाण्डे, क्रुणाल पाण्ड्या, दीपक हुडा, आयुष बडोनी, मार्कस स्टोइनिस, जेसन होल्डर, दुष्मन्थ चमिरा, रवि बिश्नोई, मोहसिन खान ।
