एजेन्सी । आईपीएल २०२२ मा कोरोना प्रवेश गरको छ । सोमबार दिल्ली क्यापिटल्सका खेलाडी मिचेल मार्समा कोरोना संक्रमण देखिएको थियो । यसबाहेक टिम फिजियो प्याट्रिक फरहार्ट र टिम डाक्टर साल्वीमा पनि कोरोना पोजेटिभ देखियो ।
जसकारण, बुधबार हुने दिल्ली क्यापिटल्स र पञ्जाब किंग्सबीचको खेल पहिले पुणेको महाराष्ट्र क्रिकेट स्टेडियममा हुने थियो तर अब यो खेल मुम्बईको ब्रेबोर्न स्टेडियममा हुनेछ । बीसीसीआईले एक प्रेस विज्ञप्ति जारी गर्दै यो जानकारी दिएको हो ।
दिल्लीको टोली हाल मुम्बईमा छ । सोमबार नै पुणे प्रस्थान गर्ने भनिएको थियो, तर कोरोनाको केस बाहिर आएपछि खेलाडी र स्टाफलाई होटलको कोठामा बस्न निर्देशन दिइएको थियो । यस्तै, सोमबार दुई पटक आरटी–पिसिआर परीक्षण पनि गरिएको छ । पहिलो परीक्षणमा मार्सको रिपोर्ट नेगेटिभ आएको थियो, तर दोस्रो आरटी–पिसिआर परीक्षणमा उनी संक्रमित भेटिएका थिए ।
उनी बाहेक स्पोर्ट्स मसाज थेरापिस्ट चेतन कुमार, टिम डाक्टर अभिजित साल्वी, सोसल मिडिया कन्टेन्ट टिमका सदस्य आकाश माने पनि कोरोना संक्रमित भएका छन् । यी सबै फिजियोहरू १५ अप्रिलमा कोरोना पोजिटिभ भेटिएका प्याट्रिक फरहार्टको सम्पर्कमा आएको बताइएको छ । सोही क्रममा चेतनमा १६ अप्रिलमा संक्रमण देखिएको थियो । मार्ससहित बाँकी १८ अप्रिलमा कोरोना पोजेटिभ देखिएको थियो ।
अप्रिल १६ देखि दिल्ली टोलीका सबै खेलाडी र स्टाफको दैनिक जाँच भइरहेको छ । सबैको आरटी–पीसीआर परीक्षण भइरहेको छ । वैशाख १९ गते भएको चौथो चरणको छानबिनमा बाँकी खेलाडी तथा कर्मचारीको रिपोर्ट नेगेटिभ आएको थियो । अप्रिल २० मा हुने खेलअघि फेरि एकपटक सबै खेलाडी र स्टाफको परिक्षण गरिने छ ।
बीसीसीआईको कोरोना प्रोटोकल अनुसार बायो–बबलमा उपस्थित सबै खेलाडी र स्टाफको हरेक पाँचौं दिन परिक्षण भइरहेको छ । गत वर्ष प्रत्येक तेस्रो दिनमा जाँच हुन्थ्यो । यद्यपी, फ्रेन्चाइजीहरूलाई पनि स्वतन्त्रता दिइएको छ कि यदि उनीहरूले आफ्ना खेलाडीहरूको दैनिक रूपमा परीक्षण गराउन चाहन्छन् भने त्यसो गर्न सक्छन् । भारतमा पछिल्ला दिनमा कोरोना संक्रमितको संख्या बढेको छ ।
