काठमाडौं । नेकपा एमालेकी केन्द्रीय सदस्य रेखाकुमारी झाले स्थायी कमिटी सदस्य प्रभु साहविरूद्ध पार्टीमा उजुरी दिएकी छन् ।
बिहीबार बसेको एमाले केन्द्रीय कमिटी बैठकमा सांसद झाले आफ्नो गृह जिल्ला रौतहटमा साहले मनोमानी गरेको आरोप लगाउँदै उजुरी दिएकी हुन् ।
रौतहटमा जिल्ला अधिवेशनका बेला हलले अनुमोदन नै नगरेको जम्मा पाँच जना पदाधिकारीलाई मध्यरातमा साहको नेतृत्वमा अज्ञात स्थलमा लगी शपथ खुवाइएको उनले आरोप लगाएकी छन् ।
रौतहट जिल्लाको अधिवेशन फेरि हुनु पर्ने मागसहित उनले उजुरी दिएकी हुन् ।
