• १३ मंसिर २०७९, मंगलवार
  •      Tue Nov 29 2022
Logo
Latest
★   नेप्से परिसूचकमा झिनो अङ्कको बृद्धि ★   समानुपातिक मतगणना: कति दलले पाउलान् राष्ट्रिय मान्यता ? ★   ट्रक चलाउँदै टिकटक ‘लाइभ’मा आएका चालकलाई ट्राफिक प्रहरीको कारबाही ★   अमेरिकी फ्रिडम पार्टीको घण्टी यहाँ पनि आयोः ओली ★   सबै दल मिलेर सार्वजनिक तथा सरकारी जग्गा सखाप नै पार्ने भए: पूर्वसचिव शारदाप्रसाद त्रिताल ★   पर्यटकीय नगरी पोखरालाई विश्वसँग जोड्दै विमानस्थल ★   यु-१९ राष्ट्रिय क्रिकेट: प्रदेश-१ विजयी ★   महानगर यस किसिमले अघि बढ्छ भन्ने सोचेका थिएनौँः राष्ट्रिय भूमि आयोग(भिडीयोसहित) ★   थापाथलीको सुकुम्बासी बस्ती आज दोस्रो दिन पनि अशान्त ★   पहिलो जितको खोजीमा आयोजक कतार, अमेरिकालाई इरानको चुनौति

निखिलले हिन्दी चलचित्रको निर्देश गर्ने



नेपाली नायक निखिल उप्रेतीले हिन्दी चलचित्रको निर्देशन गर्ने भएका छन्। उनी आफैं मुख्य भूमिकामा प्रस्तुत हुने एक्सन लभ स्टोरी चलचित्रको नाम ‘कमिटमेन्ट’ जुराइएको छ। चलचित्रको कथा र पटकथा स्वयम् निखिलले लेखेका हुन् भने संवाद नैम र इजाजको छ। भारतीय चलचित्र निर्माण कम्पनी इन्सीपिरेश्नल इनोभेशनको लगानी रहने ‘कमिटमेन्ट’ मा अधिकांश भारतीय कलाकार रहने बताइएको छ। उनी २ वर्षदेखि मुम्बईमै अभ्यस्त थिए।

उक्त चलचित्रले काठमाडौदेखि मुम्बईसम्मको कथा समेट्ने छ। सो चलचित्रमा नायिकाको छनौट हुन बाँकी रहे पनि भारतीय कलाकार राज जुत्सी, आर्यन वैध, यसपाल शर्मा, संजय मिश्र लगायतको अभिनय रहनेछ। जुलाई २ तारिखबाट वीरगञ्जदेखि प्रारम्भ गरिने चलचित्रको छायाङ्कन काठमाडौ, पोखरा, दुबई, बैङ्कक र मुम्बईमा हुनेछ। केही महिना अघि लोकेशन हन्टिङका लागि मुम्बईबाट नेपाल आएका निखिलले चलचित्रलाई नेपालीमा डविङ नगरिने समेत जानकारी दिए। नेपालको प्रोडक्सन कन्ट्रोलर कलाकार अरुण रेग्मीले गर्ने भए पनि अधिकांश प्राविधिक भने भारतीय नै रहने छन्।

चलचित्र कमिटमेन्ट रिलिजको जिम्मा भने रिलायन्स कम्पनीले लिएको छ। चलचित्रको बजेट नौ करोड भारतीय रुपियाँ छुट्याइएको छ। नायिका संचिता लुइँटेलसँग दोस्रो विवाह गरेपश्चात् निखिल बलिउड करिअरको लागि मुम्बई प्रस्थान गरेका थिए। मुम्बई प्रस्थानसँगै निखिलको नेपाली चलचित्र करिअरले लभगभ विश्राम लिएको चर्चा छ।