• २२ असार २०७९, बुधबार
  •      Wed Jul 6 2022
Logo

सलमानको सुनुवाइमा शाहरूखलाई टेन्सन



वर्षौंअघिको दुश्मनीको अन्त गर्ने प्रयासस्वरुप एक पार्टीमा हालै मात्र एक अर्काको अँगालोमा बेरिएलगत्तै बलिउड नायक सलमान खान र शाहरूख खानबीचको दोस्ती अब राम्रैसँग जम्लाजस्तो छ।

त्यो कसरी भने सानो ११ वर्षअघि मदिराले लठ्ठ भएर सवारी चलाउँदा अनियन्त्रित भई दुर्घटना हुँदा सडकको फुटपाथमा सुतिरहेका मजदुरको मृत्यु भएपछि अदालतको तारिख बेहोरिरहेका सलमान पछिल्लोपटक अदालतमा हाजिर हुन जाँदा शाहरूख टेन्सनमा देखिए। एजेन्सीका अनुसार सलमान बुधबार मुम्बईको सेशंस अदालतमा हाजिर हुन पुग्दा शाहरूख के हुने भन्ने चिन्ता र तनाबमा थिए। आगामी फिल्म चेन्नाई एक्सप्रेसको निर्मँणमा व्यस्त रहेका शाहरूखले सलमानका बारे पटकपटक आफ्ना सहयोगीहरूसँग सोधखोज गरेको एजेन्सीले जनाएको छ।

सलमानलाई हत्याको मुद्दा चल्ने खबर सुनेपछि शाहरूख चिन्तित भएको समाचारमा जनाएको छ। विपक्षमा पैmसला भए सलमानलाई १० वर्षको जेल सजाय हुन सक्ने कुराले शाहरूलाई चिन्तित बनाएको पनि समाचारमा उल्लेख छ। तर यो सुनुवाइ आगामी अगस्टसम्मका लागि सरेको छ। समाचारमा जनाइएअनुसार सम्बन्धित न्यायाधीशको सरुवा भएपछि सलमानको मुद्दाको सुनुवाइ थप एक महिनाका लागि सरेको हो।
मदिराको नशामा अनियन्त्रित गतिमा सवारी चलाउँदा उनको सवारीको ठक्करबाट फुटपाथमा सुतिरहेका १ मजदुरको घटनास्थलमै मृत्यु भएको थियो भने ४ जना सख्त घाइते भएका थिए।