• १८ असार २०७९, शनिबार
  •      Sat Jul 2 2022
Logo

शालिन नायिकाको डरलाग्दो रुप



शालिन नायिकाको रुपमा चुपचाप देखिएकी गरिमा पन्तको गरिमालाई खासै आँकन भएको पाइदैन । उनीभित्रको खुवीलाई उजागर गर्न सक्ने निर्माता–निर्देशक पनि भेटिएको छैन् । जसले गर्दा आम बजारमा नायिकाहरुको चर्चा–परिचर्चा अगाडि उनी अवश्य पछाडि परेको मान्नै पर्दछ । यद्यपि, उनी भित्रको खुवीलाई निर्माता तथा निर्देशक यादव भटृराईले चलचित्र झोलामा गजवले उजागर गरेको हल्ला नआएको पनि होइन। सति प्रथा विरुद्धको साहित्यकार कृष्ण धरावासीको उपन्यासमा आधारित चलचित्र झोलामा प्रमुख नायिकाको रुपमा उनी रहेकी छन् । झोलाको छायाँकन अवधिभर प्राय दृश्यमा विना मेकअप काम गरेकी यी नायिकाको जवानीलाई पातमा बेरेर पस्कने प्रयास भएको छ । कथाले मागेको दृश्य भएर पनि होला–गरिमाले आफ्नो अभिनयको गरिमा नघटाइकन झोलामा उक्त दृश्य दिएकी छन् । दन्किन लागेको चित्तामा अर्धनग्न भएर बसेर सति जाने दृश्य दिनुको अलावा जवानीलाई पातले बेह्रेर गुफा–गुफा चहार्ने कठिन कार्य पनि उनीवाट भएको छ । यसअर्थमा पनि, शालिन नायिकाको डरलाग्दो रुपको प्रस्तुतिको रुपमा उनलाई झोलामा छिटृै हेर्न पाइने भएको छ ।