• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

‘बेस्टसेलर राइटर अवार्ड’ चौलागाईं



 

काठमाडौँ, १ पुस –

जयकाली प्रकाशन प्रालिले लेखक यमप्रसाद चौलागाईंलाई ‘बेस्टसेलर राइटर अवार्ड’बाट सम्मान गरेको छ । चौलागार्इंको ‘उद्घोषणकला तथा पत्रकारिता’ शीर्षकको पुस्तकका लागि सो सम्मान प्रदान गर्दै संस्कृति, पर्यटन तथा नागरिक उड्डयनमन्त्री रामकुमार श्रेष्ठले नेपालमा धेरै प्रकाशनगृह भए पनि लेखकको श्रमको उच्च सम्मान हुन नसकेको अवस्थामा यस्ता सम्मानले लेखकलाई थप हौसला प्रदान गर्ने बताउनुभयो ।

साहित्यकार नयनराज पाण्डे र शशी लुमुम्बूले प्रकाशन संस्थाले लेखकलाई सम्मान तथा पुरस्कार गर्ने परिपाटिले लेखक र प्रकाशकको समन्वयबाट मात्र बजारमा राम्रो कृति आउने सन्देश प्रवाह हुने धारणा राख्नुभयो । सम्मानित चौलागाईंले पुस्तकमा समावेश गरिएका विषयवस्तु प्रभावकारी भएकाले बजारमा सो पुस्तकको माग बढेको हो भन्दै सम्मानबाट आफूलाई नयाँ कृति प्रकाशन गर्न प्रेरणा मिलेको बताउनुभयो । विविध विधाका पुस्तक तथा कृति प्रकाशन गर्दै आएको जयकाली प्रकाशनका अध्यक्ष एकप्रसाद सापकोटाले लेखकलाई सम्मान गर्न सकेमा उनीहरूलाई प्रोत्साहन मिल्ने र लेखक तथा प्रकाशकबीच रामो सम्बन्ध स्थापना हुने बताउनुभयो ।