काठमाडाैँ । खेमलाल-हरिकला लामिछाने प्रतिष्ठानले वि.सं. २०८२ सालमा प्रकाशित साहित्यिक कृतिमध्ये पद्मश्री साहित्य पुरस्कारका लागि उत्कृष्ट १५ कृतिको विस्तारित (लङलिस्ट) सार्वजनिक गरेको छ।

प्रतिष्ठानका अध्यक्ष जीवा लामिछानेद्वारा जारी विज्ञप्तिअनुसार यस वर्ष प्रतिष्ठानमा १९२ वटा साहित्यिक पुस्तक प्राप्त भएका थिए। तीमध्ये पुरस्कार चयन समितिले पहिलो चरणमा १५ कृतिको विस्तारित सूची तयार गरी प्रतिष्ठानलाई उपलब्ध गराएको हो। समितिले यही विस्तारित सूचीबाट आगामी महिना उत्कृष्ट पाँच कृतिको संक्षिप्त सूची (सर्टलिस्ट) चयन गर्ने जनाएको छ।

विस्तारित सूचीमा गोविन्द गिरी प्रेरणाको ‘अ–विधवा’, डा. नवराज लम्सालको ‘कल्प’, नारायण ढकालको ‘जगज्जननी उसकी आमाको नाम होइन’, चन्द्रप्रकाश बानियाँको ‘तुलु राजा’, क्षितिज समर्पणको ‘तोरकीन’, नवीन अभिलाषीको ‘दहाड’, उमा सुवेदीको ‘परिधि’, ओम रिजालको ‘पैकेलो’, खगेन्द्र गिरीको ‘भग्न प्रेमशाला’, भूपिनको ‘मध्यको उज्यालो’, सीमा आभासको ‘महायुग’, डा. नवराज केसीको ‘स्वस्पर्श’, श्रवण मुकारुङको ‘सलह’, शंकरप्रसाद गैरेको ‘सूतपुत्र’ तथा नदीशको ‘हिउँद’ समावेश छन्।

प्रतिष्ठानका अनुसार आगामी महिना सार्वजनिक गरिने उत्कृष्ट पाँच कृतिको संक्षिप्त सूचीबाट अन्तिम चरणमा पद्मश्री साहित्य पुरस्कार विजेताको घोषणा गरिनेछ।

Screenshot