-सुजाता केसी 
म कम्युनिटी सेन्टर हुँ नेपालहरुको
म शीतले भिजेको छु, नाङ्गो छु, खुला डाँडामा छु
मलाई ओत लगाइदेउ केवल म जमिन मात्र छु
म नेपालीहरुको नाम हुँ सन्तान अनि पुस्ताको सम्पति हुँ
हजारौं हातले समाउ एकै मुटु बनेर उठाउ ।
हे नेपालीहरु एक्लो नपार मलाई, समाज चाहिन्छ
म आतिन थालिसके डराइसके अनि रुन थालिसके
मलाई साथ देउ, हात देउ, सबैको माया देउ
टाढाबाट मलाई औंला र आँखाले मात्र केवल घोच्ने नगर
म कम्युनिटी सेन्टर हुँ नेपालीहरुको एकमात्र छाती हुँ
हजारौं हातले समाउ एकै मुटु बनेर उठाउ ।
म नेपालीहरुको साइनो हुँ, गवाइ दिने परिचय हुँ
मलाई नेपाली झण्डा बोकाउ अनि लालीगुराँस फुलले सजाउ
के गुनिरहेका छौ निष्ठुरी बनि, किन भुल्दै छौ प्रतिकारबादी बनी
म सगरमाथा हुँ, म गौतम बुद्ध हुँ म प्रवासी नेपालीको माया हुँ ।
