भारतको मध्य प्रदेशको शिवपुरी जिल्लामा एक महिलाले हालै प्रदर्शनको क्रममा रहेको चलचित्र ह्याप्पी न्यू ईयर हेर्न नपाएको झोकमा एसिड सेबन गरेकी छिन् । उनले आफ्ना पतिलाई सँगै चलचित्र हेर्न जान आग्रह गरेकी थिइन् । तर पति बिशालले हलमा मान्छेको भिड छ भन्दै एक्लै चलचित्र हेर्न गएपछि उनले एसिड सेबन गरेकी थिइन् ।
नेहा नाम गरेकी २१ बर्षिय उक्त महिलाले गत मंगलबार यसरी एसिड सेबन गरेकी थिइन् । यसरी एसिड सेबन गरे लगत्तै उनलाई शिवपुरीको एक अस्पतालमा भर्ना गरिएको थियो । उक्त अस्पतालले अबस्था नाजुक रेको भन्दै ग्वालियर अस्पतालमा रिफर गरिदिएको थियो । उनको अबस्थामा अहिलेसम्म सुधार नआएको जनाइएको छ । यता पुलिसले भने यो केश सम्बन्धी मुद्दा दर्ज गर्न मानिरहेको छैन ।
