• २२ असार २०७९, बुधबार
  •      Wed Jul 6 2022
Logo

कालेश्वर प्राथमिक विद्यालय भवन पुनःनिर्माण गरिने



ललितपुर, ७ भदौ । लगातारको भूकम्पबाट प्रभावित कालेश्वर गाविसस्थित कालेश्वर प्राथमिक विद्यालय भवन पुनःनिर्माणका लागि नेपाल रेडक्रस सोसाइटी ललितपुर जिल्ला शाखा र युएनडिपी नेपाल कर्मचारी सङ्गठनबीच समझदारी भएको छ । 

शाखाका कावा सभापति बेखामान व्यञ्जनकार र युएनडिपी कर्मचारी सङ्गठनको तर्फबाट कल्पना सरकारले समझदारीपत्रमा हस्ताक्षर गर्नुभएको थियो । समझदारी बमोजिम रु नौ लाखको लागतमा सो विद्यालयको छ कोठे भवनको पुनःनिर्माण गरिनेभएको छ । रासस

बाह्रवर्षे सिंह अस्त मेलामा आकस्मिक प्राथमिक उपचार सेवा 
बाह्रवर्षे गोदावरी सिंह अस्त मेलामा सहभागीलाई उपचार सेवा उपलब्ध गराउन नेपाल रेडक्रस सोसाइटी ललितपुर जिल्ला शाखाका कार्यबाहक सभापति बेखामान व्यञ्जनकारको नेतृत्वमा आकस्मिक प्राथमिक उपचार टोली परिचालन गरिएको छ ।
मेला भर्न आउनेहरुलाई आकस्मिक प्राथमिक उपचार सेवा उपलब्ध गराउन गोदावरी मेला व्यवस्थापन समिति र नेरेसो ठैव उपशाखासँग समेत समन्वय गरी जिल्ला शाखाअन्तर्गतका २३ वटै उपशाखालाई सहभागिता गराइने भएको छ ।
जिल्लाका रेडक्रस सदस्य तथा स्वयम्सेवक गरी एक हजार ५०० जना परिचालन सो मेलामा भक्तजनको सुविधाका लागि घुम्ती प्राथमिक उपचार टोलीसमेत परिचालन गरिनेभएको छ । एक महिनासम्म चल्ने सो मेलामा ५० लाख भक्तजनको सहभागिता हुने अनुमान गरिएको छ । रासस