यस सत्रकाे इङ्लिस प्रिमियर लिग सिजन पनि म्यान्चेस्टर युनाइटेडका लागि त्यति सुखद नहुने अनुमान भइरहेकाे बेला गएराति खेलिएकाे एक खेलमा त्यस्तै हारबाट म्यान्यू जाेगिएकाे छ ।
न्यूक्यासलसँग खेल सुरू भएकाे १० मिनेटभित्रै दुइ गाेल खाएकाे म्यान्यूले अन्ततः ३-२ गाेल अन्तरले खेल जित्याे । म्यान्यूका लागि ९०अाैं मिनेटमा अलेक्सी सान्चेजले अास्ले याेङकाे क्रसमा नाटकीय ढंगबाट गाेल गरेका थिए ।
न्यूक्यासलका तर्फबाट केनेडी र याेसिनाेरी मुटाेले गाेल गरेका थिए । त्यसपछि पहिलाे हाफभित्र खासै प्रभावशाली खेल देखाउन नसकेकाे म्यान्यू अत्तालिएकाे र कमजाेर अवस्थामा देखिएकाे थियाे ।
तर स्थानापन्न खेलाडीका रूपमा मैदानमा प्रवेश गरेका हुँवा माटाले ७०अाैं मिनेटमा फ्रिकिकबाट गाेल गरेका थिए भने त्यसकाे ६ मिनेटपछि एन्थाेनी मार्सियलले गाेल गरेका थिए ।
याे जितसँगै म्यान्चेस्टर युनाइटेड अाठ खेलमा १३ अंकका साथ अाठाैं स्थानमा उक्लिएकाे छ ।
अाज राति फूलामसँग अार्सनल, चेल्सीसँग साउथह्याम्पटन र म्यान्चेस्टर सिटीसँग लिभरपुलबीच खेल हुनेछ ।
प्रिमियर लिगकाे शीर्ष स्थानमा ७ खेलबाट १९ अंक बनाएकाे सिटी रहेकाे छ भने १९ अंक नै रहेकाे लिभरपुल दाेस्राे स्थानमा छ ।
