काठमाडौं । सांसद आशिका तामाङले बेवारिसे शव व्यवस्थापनका लागि छुट्याइएको भनिएको १५ करोड रुपैयाँ बजेटबारे प्रश्न उठाएकी छन्।
सामाजिक सञ्जालमार्फत प्रतिक्रिया दिँदै तामाङले परराष्ट्रमन्त्री रोस्ट्रममा उभिएर प्रश्नोत्तरका लागि तयार रहेको अवस्थामा आफूले बेवारिसे शव ल्याउने विषयमा प्रश्न उठाएको बताएकी छन्।
मन्त्रीबाट स्पष्ट जवाफ नआएको भन्दै उनले प्रश्न सोध्न नपाएकोप्रति समेत असन्तुष्टि व्यक्त गरेकी छन्।
उनले लेखेकी छन्, ‘परराष्ट्रमन्त्री रोस्ट्रममा उभिएर प्रश्नोत्तर गर्न भनेर आएका छन्। बेवारिसे लास ल्याउने विषयमा मन्त्रीले आनाकानी जवाफ दिएपछि मैले प्रश्न सोध्न नपाउने यो कस्तो सदन हो? किन बेवारिसे लासको नाममा छुट्याइएको १५ करोड बजेट?’
तामाङले बेवारिसे शव व्यवस्थापनका नाममा छुट्याइएको बजेटको औचित्य र त्यसको कार्यान्वयनबारे स्पष्टता आवश्यक रहेको संकेत गरेकी छन्।
