काठमाडौं । यतिखेर देशमा वायु सेवा निगमले किनेको जहाजको बडो चर्चा छ । नेपाल वायुसेवा निगमले किनेको वाइडबडी विमानको प्रक्रियामा अनियमितता भएको भन्दै सत्तारुढ र विपक्षी दलका समेत सांदहरुले व्यापक मात्रामा प्रश्न उठाएका छन् । उनीहरुमध्ये अधिकांशले त कारबाहीको लागि सिफारिस गर्न समेत माग गरेका छन् ।
संसदको लेखा समितिको आइतबार बसेको बैठकमा सत्तारुढ नेकपाका सांसद प्रेम आलेले महालेखा परीक्षकको प्रतिवेदनले नै विमान खरिदमा अनियमतिता भएका ठहर गरिसेकेको र निगमका महाप्रवन्ध सुगतरत्न कंसाकारले समेत महालेखाको प्रतिवेदन सही भएको स्वीकार गरेको भनेका थिए ।
त्यस लगत्तै समिति सदस्य सांसद डा.सूर्य पाठकले अर्काे प्रश्न तेस्र्याए । उनले प्रश्न गरे– त्यसो भए के महालेखा परीक्षकको प्रतिवेदन गलत छ त ? त्यसपछि भने कंसाकार अक्क न बक्क परेका थिए । सांसद डा.पाठकले पुनः जोड गरे यस विषयमा ठोस जवाफ दिनुपर्यो । त्यसपछि महाप्रवन्धक कंसाकारले महालेखा जस्तो निकायले गलत प्रतिवेदन दिएको आफूले भन्न नसक्ने बताएका थिए ।
नेकपाकै अर्का सांसद अमनलाल मोदीले भ्रष्टाचार भएकै छैन भन्न नसकिने भन्दै यसमा संलग्न अधिकारीहरुलाई कारबाही हुनुपर्ने बताए । बैठकमा सहभागी अन्य सांसदहरुले पनि कंसारकामाथि प्रक्रियाको विषयमा प्रश्न गरेका थिए ।
तर निगमका महाप्रवन्धक कंसाकारले भने वाइडबडी जहाज खरिद प्रकरणमा अनियमितता नभएको दाबी गरेका थिए । ‘हामीले खरिद गरेको भन्दा सस्तोमा जहाज आउँछ भन्ने पनि कुरा आयो’ उनले भने, ‘हामीले टेण्डर आह्वान गरेर जहाज खरिद गरेका हौं ।
