काठमाडौं । नेपालले साफ महिला च्याम्पियनसिपमा पहिलो खेल भुटानसँग खेल्ने भएको छ । आयोजक नेपालले उद्घाटनको पहिलो खेलमा भुटानलाई प्रतिद्धन्द्धी पाएको हो ।
विराटनगरको शहिद रंगशालामा हुने प्रतियोगिताको दोस्रो खेलमा नेपालले पाकिस्तानसँग प्रतिस्पर्धा गर्नेछ भने समुहको अन्तिम खेलमा नेपाल र बंगलादेश खेल्नेछन । पहिलो पटक नेपालमा मार्च १२ देखि २२ तारिखसम्म आयोजना हुन लागेको प्रतियोगिता एन्फाले पहिलो पटक विराटनगरमा साफ महिला च्याम्पियनसिप गर्ने निर्णय गरेको छ ।
प्रतियोगिताका लागि नेपालले तयारी सुरु गरिसकेको छ । करीव तीन महिना अगाडी बाट सुरु गरेको नेपालले पहिलो चरणमा ३३ खेलाडीलाई बन्द प्रशिक्षणमा बोलाएको थियो । जसबाट नेपालले अन्तिम नामावली तयारी पार्नेछ । प्रशिक्षणको विचमा नेपाली टिमले तीन वटा मैत्रीपुर्ण खेल खेल्ने योजना रहेको छ । नेपालको टिमलाई हरी खड्काले प्रशिक्षण दिइरहेका छन ।
