काठमाडौं । गायिका नेहा कक्कड अहिले बलिउडमा चर्चित छिन् । प्रायः नयाँ फिल्ममा उनको आवाज सुन्न पाइन्छ । समकालीन संगीतकारको पहिलो रोजाइमा पर्ने गरेकी नेहाले एउटा गीत गाएबापत लिने पारिश्रमिक निकै चर्को छ ।आफ्नो स्वर मात्र नभएर सुन्दरताका कारण पनि चर्चामा आउने गरेकी उनले एउटा गीत गाएबापत १० देखि १५ लाख भारु पारिश्रमिक लिने गरेकी छिन् । महँगो गाडीकी सौखिन नेहासँग आर्डी, रेन्ज रोभरका साथै मार्सिडिजजस्ता महँगा कार छन् । उनको कुल सम्पत्ति एक सय करोड रहेको बताइन्छ ।
पछिल्लो समय प्रेमीसँगको विछोडका कारण चिन्तित रहेकी उनी केहीअघि डिप्रेसनको सिकार भएकी थिइन् । उनले इन्स्टाग्राममा लेखेकी थिइन्, ‘हो, म डिप्रेसनमा छु । तपाईंहरू सफल हुनुभयो । संसारभरका नकारात्मक मान्छेहरूका कारण यो सब भएको हो । जो मलाई मेरो जीवनको सबैभन्दा दुःखद दिनका लागि सफल भए ।’ उनी इन्डियन आइडल सिजन २ की प्रतिस्पर्धी हुन् । नयाँ पत्रिकामा खबर छ ।
