काठमाडौँ । नेपाली काँग्रेसको भातृ संगठन नेपाल विद्यार्थी संघका अध्यक्ष नैनसिंह महरले राजीनामा दिएका छन् ।
अध्यक्ष महरले सोमबार पार्टी कार्यलय सानेपामा बसेको केन्द्रीय कार्यसमिति बैठकमा अध्यक्ष शेरबहादुर देउवा सामू आफ्नो राजीनामा पत्र पढेर सुनाएका हुन् ।
नेविसंघको १२ औं महाधिवेशन निर्धारित समयमा सम्पन्न गराउन नसकेपछि महर नेतृत्वको कार्यसमिति आलोचित बन्दै आएको थियो । त्यसैले गत २७ पुसमै महामन्त्री सरोज थापासहितका ७ पदाधिकारीहरुले राजीनामा दिएका थिए ।
नेविसंघको महाधिबेशन विवाद चुलिएपछि अध्यक्ष महर राजीनामा दिएका हुन् । महरले पार्टी पंक्ति नै आफ्नो राजीनामा हुनु पर्ने पक्षमा रहेकाले राजीनामा दिन बाध्य भएको बताए पनि सभापति निकट तथा गृह जिल्ला डडेल्धुराका महरलाई जोगाउन सकेनन् ।
हेर्नुहोस राजीनामापत्र
