धनगढी । नेपाल कम्युनिष्ट पार्टी (नेकपा)को सुदूरपश्चिम विशेष कार्यकर्ता भेलामा सहभागी हुन नेताहरू सुदूरपश्चिम आउने क्रम जारी छ ।
भेलामा सहभागी हुन सुदूरपश्चिम प्रदेश इन्चार्ज तथा नेकपा स्थायी कमिटी सदस्य भीम रावल धनगढी पुगेका छन् । आइतबार साँझ नैनेता लेखराज भट्ट पनि धनगढी आइसकेका छन् ।
प्रधानमन्त्री केपी शर्मा ओली तथा अर्का अध्यक्ष पुष्पकमल दाहाल प्रचण्ड, वरिष्ठ नेता माधव कुमार नेपाल, महासचिव विष्णु पौडेल, उप–नेता सुभाषचन्द्र नेम्वाङ्ग लगायतका नेताहरू सहभागी कार्यक्रममा नेताहरूको आउने क्रम सुरु भएको हो । बुधवार दिउँसो १ बजे नेकपाले धनगढीको खुल्ला मञ्चमा सुदूरपश्चिम प्रदेशको विशेष कार्यकर्ता भेला आयोजना गरेको हो ।
प्रधानमन्त्री ओलीले बुधवार बिहान सुदूरपश्चिम प्रदेशको प्रदेश सभालाई समेत सम्बोधन गर्दै छन्
