सुर्खेत । जंगलमा फिरन्ते जीवन बिताउँदै आएका राउटे समुदायले पहिलो पटक बैंकमा गएर तलब बुझेका छन् । राउटे समुदायद्धारा सहयोग गर्न नियुक्त भएका कार्यकर्ताद्धारा पहिलो महिनाको तलब लिएका हुन् ।
सामाजिक सेवा केन्द्र (सोसेक)द्धारा आज वीरेन्द्रनगरमामा मासिक तलब दिने कार्यक्रम रहेको थियो । उक्त कार्यक्रम अनुसार मेगा बैंकमार्फत बुझेका छन् । नियुक्त भएका सहयोगीहरुले समुदायमा कुपोषण भएका बालकालिकालाई पोषणयुक्त खानेकुरा खानमा सहयोग गर्ने, बालबालिकालाई औषधि खुवाउनमा सहयोग पुर्याउने, समुदायको सरसफाइमा ध्यान दिने, वनजंगलको संंरक्षण गर्ने कामका गर्ने गरेका छन् ।
सूर्यनारायण शाही, वीरबहादुर शाही, दिलबहादुर शाही, प्रकाश शाही र महिनबहादुर शाहीले पहिलो महिनाको तलब बुझेका छन् । पहिलो पटक तलब पाएकोमा आफुलाई खुसी लागेको सूर्यनारायण शाहीले बताए ।
अहिले राउटे समुदायहरु सुर्खेतको लेकवेशी नगरपालिकाको भेरी किनारामा बसिरहेका छन् ।
