काठमाडौं । राष्ट्रिय प्रजातन्त्र पार्टी (राप्रपा) का नवनिर्वाचित अध्यक्ष राजेन्द्र लिङदेनले नेताहरुको मानमर्दन गर्न र कार्यकर्ताहरुको विश्वासघात गर्न आफू नेतृत्वमा नआएको बताउनु भएको छ ।
नवनिर्वाचित अध्यक्ष लिङदेनले पार्टीका निवर्तमान अध्यक्षहरुको जीवनकालमै आफ्नो पार्टीलाई मुलुकको बलियो शक्तिको रुपमा स्थापित गराउने प्रतिवद्धता समेत व्यक्त गर्नु भयो । आईतबार काठमाडौंमा सपथ ग्रहण गर्दै उहाँले दुई पटक मृत्युको मुखमा पुगेर पनि बाँचेको आफूले नेताको सम्मान र कार्यकर्ताहरुको भावनामाथि चोट नपु¥याई आफ्नो पार्टीलाई बलियो बनाउने बताउनुभयो । नवनिर्वाचित अध्यक्ष लिङदेनले यो मरो पनि बदमास रहेछ भन्ने नपार्ने दृढता समेत व्यक्त गर्नु भयो ।
उहाँले अनुभवी नेताहरुको साथ लिएर पार्टीमा गल्ती नगर्ने बताउनु भयो । अध्यक्ष लिङदेनले भन्नु भयो, ‘राजेन्द्र लिङदेनले पार्टी चलाउन सक्छ भन्ने आशंका छ । पार्टीमा म मात्रै कहाँ छु ? मैले भने हाम्रो श्रद्धेय तीन नेताहरु हुनुहुन्छ । अनि हाम्रा पदाधिकारीहरु हुनुहुन्छ । मैले दाई मानेका अनुभवी मानिसहरु हुनुहुन्छ । उहाँहरुको साथ लिएर अघि बढछौं । कहीँ पनि त्रुटी गर्दैनौं । म आत्मविश्वासी छु । म गल्ती गर्दिन । मैले धोका दिँदिन । मैले कसैलाई पनि रुवाउँदिन । कसैलाई थुक्क यो मेरो पनि बदमासै रहेछ भन्ने पार्दिन भन्ने मेरो मनमा लाग्छ । किनभने म अहिले यो अध्यक्ष भए । मेरो चाहनाको कुरा थिएन । मेरो कुनै महत्वकांक्षाले होईन । मलाई किनकिन यो पार्टी यत्तिकै जान दिनु हुँदैन । हामीले प्रयत्न ग¥यौं भने एउटा सन्देश देशबासीहरुमै जान्छ । राप्रपाको कार्यकर्तामा मात्रै होईन । अव यही राप्रपाको कार्यकर्तामात्रै मिलेर पुग्दैन । यतिले मात्रै त हामीले एक सिटको लागि मात्र भयौं । धेरै सिटको हुनका लागि त काँग्रेस, एमालेसहितका राप्रपा बाहिरका मान्छेमा हाम्रो सन्देश पुग्नु प¥यो । उनीहरुलाई जोडनु पर्यो ।
त्यो जोडनका लागि हामीले केही प्रयत्न गर्नुप¥यो भनेर प्रयत्न गर्ने क्रममा आज यहाँसम्म आईपुगेको छु । मेरा जीवनमा अनेक संयोगहरु छन । म दुई चोटी मृत्यको मुखबाट फर्केर आएको मान्छु हुँ । एक चोटी माओवादी द्धन्द्धका बेला माओवादीहरुले सहरबीचमा पर्केर हजारौं मानिसहरुले निर्घात कुटपीट गरेर अव यति भए यो मान्छे बाँच्दैन बाच्यो भने पनि गरिखान सक्दैन भनेर फ्याँकेको मान्छे, बाँचेर यहाँसम्म आए । अस्ती यो महामारीमा एकैरात ढिलो ल्याएको भए म आज तपाईहरुको बीचमा हुन्नथ्ये । म पटकपटक मृत्युको मुखबाट फर्केर आएको दुई चार वर्ष बाँच्नको लागि मात्रै हो ? मर्न त मर्छु । अजम्मरी त कोही पनि छैन । मलाई कस्तो लाग्छ भने होइन । त्यतिको लागि मात्रै होईन । नेताहरुको मानमर्दन गर्न र कार्यकर्ताको विश्वासमाथि कुठारा घात गर्न आफू नेतृत्वमा नआएको होईन । मलाई विश्वास छ–हामी सबै मिलेर राष्ट्रिय प्रजातन्त्र पार्टीलाई तपाईहरुको जीवनकालमै राप्रपा यो मुलुकको बलियो शक्ति भएको देखाउछौं । त्यो विश्वासका साथ हामी काम गछांैं । यो पार्टी भित्र कुनै गुट छैन, समूह छैन ।’
नवनिर्वाचित अध्यक्ष लिङदेनले काँग्रेस र एमालेलाई पनि जोडेर आफूहरुले राप्रपालाई मुलुकको अग्रणी पार्टीको रुपमा अघि बढाउने बताउनु भयो । उहाँले अव पार्टी भित्र कुनै पनि गुट नभएको दावी समेत गर्नु भयो ।
