काठमाडौं । ३३ किलो सुन प्रकरणमा मुछिएका कृष्णगोपाल अग्रवाल पक्राउ परेका छन् ।
उनलाई पक्राउ गर्नका लागि इन्टरपोलबाट रेडकर्नर नोटिससमेत जारी भएको थियो ।
झापा साविक शिवगंज गाबिस–१ ठेगाना भएका ५० वर्षीय अग्रवाललाई आइतबार प्रहरी प्रधान कार्यालय ईन्टरपोल शाखाबाट खटिएको प्रहरीले पक्राउ गरेको हो ।
उनीमाथि गोरे भनिने चुडामणि उप्रेतिसमेत भएको आपराधिक समूह स्थापना र सञ्जालनमा भूमिका खेलेको आरोप रहेको छ ।
उनी दुबईबाट नेपाल आउँदैछन् भन्ने सूचनाको आधारमा तत्काल प्रहरीले उनलाई पक्राउ गरेको हो ।
अग्रवाललाई जिल्ला प्रहरी कार्यालय मोरङबाट सम्बन्धित अपराध कसूरमा कारबाही गर्ने गराउने प्रयोजनार्थ हाल महानगरीय प्रहरी वृत्त गौशाला काठमाडौंमा राखिएको प्रहरीले जनाएको छ ।
