काठमाडौं । नेपाली कांग्रेसका नेता बालकृष्ण खाणले मदन भण्डारी र निर्मला पन्तको हत्यारा पत्ता लगाउन नसकेको भन्दै सरकारको आलोचना गरेका छन् ।
काठमाडौंमा बुधबार आयोजित पार्टीको राष्ट्रिय जागरण अभियानमा कांग्रेस संसदीय दलका सचेतकसमेत रहेका खाणले ‘मदन भण्डारीको सबैभन्दा हितैषी ‘मेरो सरकार’ हुनुहुन्छ। प्रधानमन्त्री हुनुहुन्छ अनि हत्यारा खोज्नु पर्दैन? कहिले खोज्नुहुन्छ?,’ उनले भने।
उनले अहिले हाँस्यकलाकारले देश चलाइरहेको भन्दै प्रधानमन्त्री केपी शर्मा ओलीमाथि ब्यंग समेत गर्न भ्याए । उनले काठमाडैंको धुलो हटाउन सरकारले नसकेको आरोप लगाए। ‘मेरो सरकारले त माक्स लगाउनु पर्दैन। एसी गाडी छ,’ उनले भने, ‘काठमाडौं माक्समाडौं बनाइदिनुभएको छ। माक्स लगाउनु पर्दा आफ्नै साथी चिन्न गाह्रो भो।’