काठमाडौं । भरखरै स्पेनिस क्बल बार्सिलोनासँग अनुबन्धित भएको आयाक्स फ्रेन्किई डी जोङ आफ्नो निर्णयमा कुनै पछुतो नरहेको बताएका छन् ।
२२ वर्षीय मिडफिल्डर फ्रेन्किईलाई बार्सिलोनाले ७५ युरोमा आफ्नो क्लबमा भित्र्याएको हो ।
उनले भनेका छन्, ‘मलाई पछुतो छैन तर अफसोच लागेको छ । किनेभने मेरो विचारमा आयाक्स यो सिजन युनिक टिम देखिएको छ । हामीले धेरै रामाइलो गरका छौ । हामीले धेरै अनुवभसँगै उत्कृष्ट क्षणहरुपनि बटुलेका छौ । यो क्षण म सधै सम्भिरहनेछु ।’
यो सिजनमा निकै सफल भएका उनले आफ्नो क्लब आयाक्सलाई दुई वटा घरेलु लिगको उपाधि दिलाए । त्यस्तै, आयाक्सले च्याम्पियन्स लिगको सेमिफाइनलसम्मको यात्रा गर्दा उनको प्रदर्शन उच्चकोटीको थियो । त्यही प्रदर्शनलाई नियाल्दै बार्सिलोनाले उनलाई भित्र्याएको हो ।