काठमाडौं । लिपजिगलाई पराजित गर्दै जर्मन कपको उपाधि बार्यन म्युनिखले जितेको छ । लिपजिगलाई ३-० ले पराजित गर्दै बार्यनले उपाधि जितेको हो ।
शनिबार राति भएको खेलमा बायर्नका लागि खेलको २९ औं मिनेटमा रोबेर्ट लेवान्दोस्कीले गोल गर्दै बायर्नलाई अग्रता दिलाएका थिए । ७८ औं मिनेटमा कोम्यानले गोल गर्दै बार्यनको अग्रता दोब्बर पारेका थिए । यस्तै, ८५ औं मिनेटमा लेवान्दोस्कीले व्यक्तिगत दोस्रो गर्दै टोलीको जित सुनिश्चित गरेका थिए ।
प्रशिक्षकको रुपमा निको कोभिकले बार्यनका लागि घरेलु प्रतियोगितामा एकै सिजन दुई उपाधि हात पार्न सफल भएका छन् ।
