काठमाडौं । मलेसिया र चाइनिज ताइपेइविरुद्ध मैत्रीपूर्ण खेल खेल्ने नेपाली फुटबल टिमलाई विदाई गरिएको छ ।
अखिल नेपाल फुटबल सघं (एन्फा) ले मलेसिया र चाइनिज ताइपेसँग खेल्ने नेपाली टिमलाई आज सातदोबाटोमा विदाई गरेको हो । नेपाली टिम बिहीबार नै मलेसिया प्रस्थान गर्नेछ ।
विराज महर्जनको कप्तानीमा रहेको नेपालले जुन २ तारिखमा मलेसियासँग प्रतिस्पर्धा गर्नेछ । त्यस्तै, जुन ६ तारिखमा चाइनिज ताइपेसँग उसैको भूमिमा प्रतिस्पर्धा गर्दैछ ।
नेपाली टीममा पहिलो पटक अभिषेक रिजालले स्थान बनाएका छन् । पुराना अनुभवी खेलाडी जगजित श्रेष्ठ भने टिममा परेका छैनन् ।
यता आर्मीका कप्तान भरत खवास, हेमन गुरुङ र विमल घर्तीमगर टिममा छैनन् । उनीहरु चोटका कारण टीममा पर्न असफल भएका एन्फाले जानकारी दिएको छ ।
नेपाली टिम
गोलकिपर : किरण चेम्जोङ, एलन न्यौपाने, विकेश कुथु
डिफेन्स : विराज महर्जन (कप्तान), सरोज दाहाल, रन्जित धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवि सिलवाल
मिडफिल्ड: सुनिल बल, रवि पासवान, सुजल श्रेष्ठ, विशाल राई, रोहित चन्द, विक्रम लामा, सन्तोष तामाङ, तेज तामाङ,
फरवार्ड : विमल राना, नवयुग श्रेष्ठ, अभिषेक रिजाल र अञ्जन विष्ट ।
