सूर्तिजन्य पदार्थ नियन्त्रणमा योगदान दिएकोमा सहसचिव रामकृष्ण सुवेदी पुरस्कृत

काठमाडौं । जनचेतनामूलक चित्र राख्न नमान्ने सूर्य टोबाको प्रालिलाई अदालतमा उभ्याउने सहसचिव रामकृष्ण सुवेदी पुरस्कृत भएका छन्। सरकारको नीतिअनुसारको आदेश पालना नगर्ने सूर्य टोबाकोलाई कानुनी दायरामा ल्याएको भन्दै सुवेदीलाई सरकारले पुरस्कृत गरेको हो ।

सुवेदीले काठमाडौं जिल्ला प्रशासन कार्यालय प्रमुख रहँदा सूर्य टोबाकोमा छापा मारेर कारबाही थालेका थिए। स्वास्थ्य मन्त्रालयले सहसचिव सुवेदीले सूर्तीजन्य पदार्थमा ९० प्रतिशत चेतावनीयुक्त सन्देश राख्न योगदान गरेबापत पुरस्कृत गरेको हो।

उनलाई स्वास्थ्यमन्त्री ब्लुमवर्ग पुरस्कार प्रदान गरिएको छ। उनकै कार्यकालमा काठमाडौंमा जथाभावी धूमपानमा रोक लगाउनुका साथै यसको बिक्रीवितरणमा समेत कडाइ गरिएको थियो। सुदीलाई दोसल्ला ओढाएर ५० नगदसहित प्रमाणपत्रले सम्मान गरिएको थियो।