काठमाडौं । इङ्ल्याण्डमा जारी विश्वकप क्रिकेटमा शुक्रबार श्रीलंका र दक्षिण अफ्रिकाबीच भएको खेलमा अनौठो दृश्य देखियो ।
मैदानमा हजारौँको संख्यामा मौरी प्रवेश गरेपछि खेल नै केही बेर रोक्नुपरेको थियो ।
यो घटना श्रीलंकाको पारीको दौरान ४८ औँ ओभरमा भएको थियो । त्यतिबेला श्रीलंको स्कोर ८ विकेटको क्षतिमा १९४ रन थियो ।
मौरीका कारण खेल करिब १० मिनेट रोक्नुपरेको थियो ।
मैदानमा मौरी प्रवेश गरेपछि अम्पायर र खेलाडीहरु मैदानमा नै सुत्न बाध्य भएका थिए ।
यस्तो घटना पहिले पनि भएको थियो
दुई टोलीबीच खेल हुँदा यसरी मैदानमा मौरी प्रवेश गरेको पहिलो पटक भने होइन । सन् २०१७ मा दुई टोलीबीच जोहानिसबर्गमा भएको एकदिवसीय खेलमा हजारौँको संख्यामा मौरी मैदानमा प्रवेश गरेका थिए ।
यसले गर्दा करिब १ घण्टासम्म खेल रोक्नुपरेको थियो ।
