काठमाडौं । आजबाट एकसाथ दुई नयाँ फिल्म प्रदर्शनमा आएको छ । फिल्म हुन् ‘रातो गलबन्दी’ र ‘न यता न उता’ । यी दुबै फिल्म देशभर एकसाथ प्रदर्शनमा आएका हुन् ।
‘न यता न उता’
विशारद बस्नेत र मिराज रोशले मिलेर निर्देशन गरेको फिल्म कमेडी जनरामा निर्माण भएको हो । फिल्म ‘न यता न उता’मा छुल्ठिम गुरुङ, बुद्धि तामाङ, रविन्द्र झा, सिल्सा जिरेल, राजाराम पौडेल, कमलमणी नेपाल, जीवन भट्टराई, किरण राई, नमिता घिसिङ, अनु दाहाल, लुनिभा तुलाधार, अन्ना देउजा, सान्तना भट्टराई, भिमा मैनाली, राजन खतिवडा, जयनन्द लामालगायतको अभिनय रहेको छ ।
फिल्ममा रिना लामा कार्यकारी निर्माता रहेकी छन् ।
‘रातो गलबन्दी’
अनिश थापाको निर्देशन रहेको फिल्म हिमाल कडरिया र दुर्गा बस्नेतले निर्माण गरेका सामाजिक प्रेमकथामा निर्माण भएको फिल्म ‘रातो गलबन्दी’मा केकी अधिकारी, कोसिस क्षेत्री र बुद्धि तामाङको मुख्य भुमिका रहेको रहेको छ ।
हिमाल कडरियाको कथा रहेको फिल्मको सहनिर्माता बासुदेव घिमिरे, अमृता मगैराम र कृष्ण घिमिरे तथा प्रकाश दुलाल कार्यकारी निर्माता छन् ।