काठमाडौं । कर्मचारी अभावका कारण काम गर्न नसकेको गुनासो गर्दै आएको प्रदेश २ ले आफ्नै कर्मचारी भर्ना गर्न बाटो खोलेको छ । प्रदेश सभाले बुधबार लोकसेवा विधेयक सर्वसम्मतले पारित गरेपछि कर्मचारी भर्नाको बाटो खुलेको हो ।
विधेयक पारितसँगै अब लोकसेवा आयोग गठन गरेर प्रदेश २ ले आफैँ कर्मचारी भर्ना गर्न सक्छ ।प्रदेश सभाको बैठकमा कांग्रेसका शिवचन्द्र चौधरी र नेकपाका गोविन्द न्यौपानेले राखेको जिज्ञासाको मुख्यमन्त्री मोहम्मद लालबाबु राउतले जवाफ दिएपछि विधेयक सर्वसम्मत पारित भएको हो ।
कर्मचारी अभावका कारण सरकारले प्रभावकारी काम गर्न नसकेको राउतले बताए । विधेयक पारित भएपछि अब आफ्नै कर्मचारी भर्ना गरेर सरकार सञ्चालन सहज बनाउने उनको भनाइ छ । यसअघि प्रदेश सरकारले प्रहरी विधेयक पारित गरे पनि लोकसेवा आयोग नभएका कारण प्रहरी भर्ना गर्न सकेको थिएन ।, समाचार नयाँ पत्रिका दैनिकमा प्रकाशित छ ।
