बलिउडका किङ खान अर्थात शाहरुख खान र गौरी खानकी छोरी सुहाना खान बलिउडमा डेब्यू गर्ने चर्चा लामो समयदेखि चलिरहेको छ ।
उनै सुहानाको पछिल्ला केही दिनहरुमा एउटा तस्वीर भाइरल भैरहेको थियो, जसमा उनी डान्स गरेको देखिएको थियो । उक्त तस्वीरबाट के अनुमान लगाइएको थियो भने उनी चाँडै नै बलिउडमा प्रवेश गर्न सक्नेछिन् ।
सुहानाले डेब्यू गर्ने फिल्मको पोस्टर सार्वजनिक भैसकेको छ । पोस्टरका अनुसार उक्त फिल्म एउटा सर्ट फिल्म हुनेछ । उक्त सर्ट फिल्मको नाम हो ‘द ग्रेट पार्ट अफ ब्लू’ ।
सुहानाको उक्त फिल्मलाई उनकै क्लासमेट थियोडोर जिमेनोले निर्देशन गरेका हुन् । फिल्मको पोस्टरले सुहानाका प्रसंशकहरुको एक्साइटमेन्टलाई निकै बढाइदिएको छ ।
सुहानाको पोस्टरका अतिरिक्त फिल्मको अर्को एउटा पोस्टर पनि सार्वजनिक गरिएको छ, जसमा रोबिन गोन्नेल्ला उनको सह–कलाकारको रुपमा देखिने छन् ।
