नायक दयाहाङ राई र नायिका दीया पुनको मुख्य भूमिका रहेको चलचित्र ‘दयारानी’को प्रदर्शन मिति तय भएको छ । चलचित्रलाई फागुनको ९ गतेबाट प्रदर्शन गर्ने तयारी गरिएको छ । यो मितिमा पहिले नै चलचित्र ‘आमा र लप्पन छप्पन २’ले प्रदर्शन मिति तय गरिसकेका छन् ।
सुरुवातमा यो चलचित्रको प्रदर्शन मिति जेठमा तोकिएको थियो । तर, पछि चलचित्रको प्रदर्शन मिति साउनको ३० गतेलाई तोकिएको थियो ।
यो चलचित्रलाई माओत्से गुरुङले निर्देशन गरेका हुन् । उनले, छायांकन नै नभएका चलचित्रले रिलिज मिति तोकिददा अरुलाई समस्या भएको बताएका छन् ।यो चलचित्रले खराब श्रीमान् र दयालु श्रीमतीको कथालाई पर्दामा प्रस्तुत गर्नेछ ।
फिल्ममा दया र दीयाका अलावा विजय बराल, प्रमिसा गुरुङ, पुस्कर गुरुङ, टिकाराम घलेलगायतका कलाकारहरुको अभिनय छ ।
चलचित्रलाई शैलेन्द्र डि. कार्कीले खिचेका हुन् । यसमा रामबाबु गुरुङ र अपिल विष्ट कार्यकारी निर्मातामा छन् । लगानीमा मोहन गुरुङ, किरण गुरुङ, केन्द्र लिम्बु र न्यू आइटी भेन्चरको सहकार्य छ ।
