काठमाडौं । नेपाली कांग्रेसको १५औँ महाधिवेशनअन्तर्गत केन्द्रीय कार्यसमितिको निर्वाचनका लागि उम्मेदवारी दर्ताको समय थप गरिएको छ ।
निर्वाचन समितिले मंगलबार साँझ ४ बजेसम्म तोकिएको उम्मेदवारी दर्ताको समय बढाएर साँझ ६ बजेसम्म पुर्याएको हो ।
निर्वाचन समितिका सदस्य सचिव राजु कटुवालले प्रेस विज्ञप्ति जारी गर्दै मनोनयन दर्ताको कार्यक्रम थप दुई घण्टा बढाइएको जानकारी दिनुभएको छ ।
कांग्रेसको १५औँ केन्द्रीय महाधिवेशनअन्तर्गत केन्द्रीय कार्यसमितिका विभिन्न पदमा उम्मेदवारी दिन इच्छुक महाधिवेशन प्रतिनिधिहरूलाई तोकिएको समयभित्र मनोनयन पत्र दाखिला गर्न निर्वाचन समितिले आग्रह गरेको छ ।
निर्वाचन समितिले मंगलबार असोज २० गते उम्मेदवारी दर्ताका लागि अन्तिम समय साँझ ६ बजेसम्म कायम गरेको हो ।
