काठमाडौँ । नेपाली कांग्रेसको १५औँ महाधिवेशनमा बासना थापाले केन्द्रीय सदस्य पदमा उम्मेदवारी दिएकी छन् ।
थापाले मंगलबार पार्टीको १५औँ महाधिवेशनअन्तर्गत केन्द्रीय सदस्य पदमा आफ्नो उम्मेदवारी दर्ता गराएकी हुन् ।
कांग्रेसको नेतृत्व चयनका लागि भइरहेको उम्मेदवारी दर्ता प्रक्रियामा थापाले पनि आफ्नो उम्मेदवारी प्रस्तुत गरेकी हुन् । उनले पार्टीको संगठनलाई थप सुदृढ बनाउन तथा कांग्रेसको आगामी नेतृत्वमा आफ्नो भूमिका स्थापित गर्ने उद्देश्यसहित केन्द्रीय सदस्य पदमा उम्मेदवारी दिएको बताइएको छ ।
कांग्रेसको १५औँ महाधिवेशनअन्तर्गत विभिन्न पदमा उम्मेदवारी दर्ता गर्ने क्रम जारी छ । निर्वाचन समितिका अनुसार निर्धारित समयभित्र उम्मेदवारहरूले आफ्नो मनोनयन दर्ता गराउन सक्नेछन्।
