बलिउड नायक जोन अब्राहमले हलिउड चलचित्र ‘टान्सपोर्टर’को हिन्दी रिमेकमा काम गर्ने भएका छन् । निर्माणपक्ष र जोनबीच सम्झौता भइसकेको छ ।
‘टान्सपोर्टर’मा हलिउड कलाकार जासोन स्ताथामको मुख्य भूमिका थियो । जोसनले निर्वाह गरेको भूमिकामा नै जोन प्रस्तुत हुनेछन् ।
उनले भारतीय मिडियासँग कुरा गर्दै भनेका छन्–‘चलचित्रको विषयमा मैले धेरै बोल्न मिल्दैन । राम्रो टिमले यो चलचित्रको रिमेक राइट्स किन्नु भएको छ । उहाँले मलाई अफर गर्नुभयो र म पनि खुसी खुसी काम गर्न राजी भएँ ।’ उनले यो चलचित्रका लागि विशेष तयारी गरिरहेको समेत सुनाए ।
